குண்டு ஒன்று
-------------
தொப்பைகள்
வெடிக்க வேண்டும்
குருதியால் தொப்பலாய்
நனைய வேண்டும்
வெங்காயத் தோல்களாய்
உரிந்துதிர வேண்டும்
உறிஞ்சியவை உருவியவை
சிதர வேண்டும்
இத்தனை நெருக்கத்திலும்
விரிந்து நிற்பவனின்
கால் கவுட்டில் வை
காணாமல் போகட்டும்
திக்கக்காரன்
வெடித்துப் பரவட்டுமவன்
வீண் சதைகள்
கால்கள் கிழிந்து
பீய்ந்து கைகளில்
கிடைக்கட்டும்
ஐந்து கிலோவையும்
அப்படியே வை
அஞ்சலம் குஞ்சலம்
டும்.....டுப்......டும்
------------------------------------------
குண்டு இரண்டு
--------------
மகளீர் பாவம்
மகன்கள் பாவம்
கூடை வியாபாரிகள்
பாவம் பாவம்
இரண்டாம் தர
பயணிகள் பாவம்
வியர்வைப் பெருங்கடலில்
வித்தெடுப்போன் இவன்
நெஞ்சுக்குள் வை
தகரம் பிளக்க
தகுந்தாற் போல் வை
உடல்கள் சிதைக்க
உகந்தவை வை
எனக்குள் மானுடம்
கொன்றவனின்
இறுதிப் பயணம்
இதுவே குக
அறவொக்கத் தாடி
டுமீல்..... டமீல்..... டாமால்
---------------------------------------------
குண்டு மூன்று
------------
எங்கள் குதங்களில்
சூலம் குத்தியவனுக்கு
எங்கள் குரள்வளையில்
வாள் வீசியவனுக்கு
எங்கள் தலை பிளக்க
மூங்கில் ஓங்கியவனுக்கு
எங்கள் பிள்ளைகளின்
யோனி கிழித்தவனுக்கு
எங்கள் இலைகளில்
மலம் பரிமாறியவனுக்கு
எங்கள் முகங்களில்
உமிழ்ந்தவனுக்கு
வை... பெரிதாய்...வை
எல்லோக்க மைனா
டம்.....டிப்..... டமார்
-----------------------------------
குண்டு நான்கு
--------------------
பறவைகள் சிறகு
பட்டறை நெருப்பு
மின்னல் கீற்று
மெலிந்த காற்று
கடுஞ்சொல் வேகம்
கொலை வெறித் தாகம்
கஞ்சாக் காவி
அஞ்சாப் பாவி
யோக நாயி
ஐநூறு பேராம்
ஐந்து கிலோ?
று கிலோ?
ர்டிஎக்ஸ் அமுக்கு
எடையை பெருக்கு
மாமிச நாற்றம்
மற்றோருக்கும் அறிவி
எட்டாஸ் கோட்டை
டிம்....... டம்...... டும்
-----------------------------------------------
குண்டு ஐந்து
----------------
தண்டவாளம் பிடுங்கு
பெட்டிகள் நொறுக்கு
கண்களை பிதுக்கு
கல்லீரல் கசக்கு
இவன் தலை சிதரி
அவனுடல் சேர்பி
இருவர் கால்களும்
எலிக்குணவாக்கு
எறும்புகள் போங்கள்
எங்காவது போங்கள்
துரும்புக்கும் காது
துரோகம்
துவங்கி முழங்கட்டும்
நாசம்
ஒன்று..... இரண்டு....... மூன்.........
தொம்பன் பேட்டை
டக்கு.....புக்கு.......டபாக்
------------------------------------
குண்டு று
--------------
குழிகளில் சோறு
குழிகளில் நீரு
குழிகளில் வாழ்வு
குழிகளில் சாவு
கண்ணியில் கழுத்து
கால்களில் குண்டு
நெஞ்சுக்கு பீரங்கி
இதயத்துக்கு தோட்டா
உருவம் கண்டால்
உடம்பே சிவக்கிறான்
பெயரைக் கேட்டு
வெறியே கொள்கிறான்
பச்சை முட்களாம்
பிடுங்கி எரிகிறான்
காவிக் கனலை
நெஞ்சில் கொட்டுகிறான்.
என்ன பாவம்
எப்பொழுது செய்தோம்
தீவிரவாதியாய்
திரிகிறோம் தெருவில்
முடிவு கட்டுவோம்
முடித்துக் கட்டுவோம்
பஸ்பம் கட்டும்
பாவிப் பயல்கள்
தொஸ்குல் ராஜ்ஜா
பூம்.......டூம்......தூம்
-----------------------------------
குண்டு ஏழு
-----------------
தலைகள் எண்ணு
உடல்கள் எண்ணு
மொத்தம் எத்தனை
முடிவாய் சொல்லு
திருப்தி இல்லையா
திருப்பிக் கொல்லு
தப்பினாலும் செத்துப் போவான்
திடீர் கொலைக்கு தீவிரவாதி
திட்டக் கொலைக்கு அரசியல்வாதி
இவனை அடிப்போம்
அவனும் அழுவான்
பீதியில் நாடு
பிதுங்கிச் சாகும்
வீதிகளில் பயமே தேங்கும்
என்னை உன்னால்
அடிக்க முடியாது
உன்னை என்னால்
ஒடிக்கவும் முடியாது
ஏழாவது குண்டு
எச்சரிக்கை குண்டு
இதோ துவங்கினோம்
இனி தொடர்வோம்
அய்யோ... அம்மா.. அப்பா
------------------------------
மதியழகன் சுப்பையா,
மும்பை.
No comments:
Post a Comment